تنهيدة "إيه في امل"
23 أغسطس 2015
بما أنّ أغنية فيروز "ايه في أمل" تحولت لكيشيه عابر للحدود، بضل أذكر حالي بالتنهيدة "إيييييييه" التي تسبق "في أمل" في الاغنية، وكأنه فيروز بتمسحلنا فرصة وجود أي أمل في الأمل!. طبعًا بعرف انه باللهجة اللبنانية "إييييه" بتطلع "اااااه"، بس ياخي طالعة معها تنهيدة عميقة وخلفها الكثير من الشتائم الفاخرة، زي كأنه حدا حكالها قبل ما تغنّي "يا فوفو مشيلنا اياها هالمرة، دبرينا بشوية أمل". ولما أشغل الأغنية، بسمع كلماتها، وبحس في فيروز بتشد حالها وبتسرع في الغناء لتوصل للتنهيدة، بترتاح بس توصلها، وبتعطيها حقها بعمق كبير، "إييييييييييه"، هيي أصلًا غنتها لتتنهد التنهيدة السحرية تاعتها!. خلينا مركزين احنا في التنهيدة أحسن، زينا زي فيروز يعني، وبلا منه الأمل، وكل كليشيهاته هاليومين!.

جميع الحقوق محفوظة © 2024